na laiq-e-bud-o-bash hai ye na ja-e-kHwab-o-qayam hai ye

na lā.iq-e-būd-o-bāsh hai ye na jā-e-kHvāb-o-qayām hai ye

qadam baḌhā.e chalo jahāñ se ravā-ravī kā maqām hai ye

batā.ūñ kyā naza.a kā maiñ 'ālam 'ajīb qissa hai zindagī kā

vo kah rahe haiñ tamām hai ye maiñ kahtā huuñ nā-tamām hai ye

lahad kī zulmat ye kah rahī hai ki sone vaalo raho na ġhāfil

hai jis ke parde meñ sub.h-e-mahshar usī qayāmat kī shaam hai ye

lagī huī us ne dekhī hichkī to khīñch kar āh-e-sard bolā

nahīñ hai ab jaan us meñ baaqī ki koī dam meñ tamām hai ye

phaTī sī pagḌī jo dekhī sar par to hañs ke bolā vo 'arsh ham par

thī 'ahd-e-majnūñ meñ ek masjid usī kā shāyad imaam hai ye

na laiq-e-bud-o-bash hai ye na ja-e-kHwab-o-qayam hai ye

qadam baDhae chalo jahan se rawa-rawi ka maqam hai ye

bataun kya naza ka main 'alam 'ajib qissa hai zindagi ka

wo kah rahe hain tamam hai ye main kahta hun na-tamam hai ye

lahad ki zulmat ye kah rahi hai ki sone walo raho na ghafil

hai jis ke parde mein subh-e-mahshar usi qayamat ki sham hai ye

lagi hui us ne dekhi hichki to khinch kar aah-e-sard bola

nahin hai ab jaan us mein baqi ki koi dam mein tamam hai ye

phaTi si pagDi jo dekhi sar par to hans ke bola wo 'arsh hum par

thi 'ahd-e-majnun mein ek masjid usi ka shayad imam hai ye