kis se kahiye majra-e-dard-e-dil

kis se kahiye mājrā-e-dard-e-dil

māñgiye kis se davā-e-dard-e-dil

dar pe us 'īsā-nafas ke le chalo

ham bhī māñgeñge davā-e-dard-e-dil

āshnā bhī ho gayā nā āshnā

kar ke mujh ko āshnā-e-dard-e-dil

dard-e-dil meñ mubtalā hai ḳhud tabīb

ḳhaak vo degā davā-e-dard-e-dil

mar chuke ham aur kahte haiñ tabīb

hai abhī to ibtidā-e-dard-e-dil

har maraz kī haq ne paidā kī davā

kyuuñ na paidā kī davā.e dard dil

ahl-e-dil kī vo dukāneñ uTh ga.iiñ

jin meñ miltī thī davā-e-dard-e-dil

'ishq meñ us ke fanā ho jā.iye

vasl hī ik hai davā-e-dard-e-dil

apne rauza par bulā kar yā nabī

kaash sunte mājrā-e-dard-e-dil

'āshiqoñ meñ naam paanā hai to 'arsh'

haq se māñgā kar du’ā-e-dard-e-dil

kis se kahiye majra-e-dard-e-dil

mangiye kis se dawa-e-dard-e-dil

dar pe us 'isa-nafas ke le chalo

hum bhi mangenge dawa-e-dard-e-dil

aashna bhi ho gaya na aashna

kar ke mujh ko aashna-e-dard-e-dil

dard-e-dil mein mubtala hai KHud tabib

KHak wo dega dawa-e-dard-e-dil

mar chuke hum aur kahte hain tabib

hai abhi to ibtida-e-dard-e-dil

har maraz ki haq ne paida ki dawa

kyun na paida ki dawae dard dil

ahl-e-dil ki wo dukanen uTh gain

jin mein milti thi dawa-e-dard-e-dil

'ishq mein us ke fana ho jaiye

wasl hi ek hai dawa-e-dard-e-dil

apne rauza par bula kar ya nabi

kash sunte majra-e-dard-e-dil

'ashiqon mein nam pana hai to 'arsh'

haq se manga kar du’a-e-dard-e-dil