nalha-e-hijr kis din rang la sakte nahin

nālhā-e-hijr kis din rañg lā sakte nahīñ

aag dāmāñ-e-shafaq meñ kab lagā sakte nahīñ

bū-e-gul ho yā ki ho mauj-e-nasīm-e-sub.h-e-dam

nā-tavāñ tere kisī kā naaz uThā sakte nahīñ

yuuñ 'ināyat ġhair par ho aur ham par jhiḌkiyāñ

taab us kī ab tire betāb lā sakte nahīñ

saḳhtiyāñ ham se sitam kī o sitamgar kuchh na pūchh

koh uTh saktā hai lekin ye uThā sakte nahīñ

'ishq meñ us nāznīñ ke mar ke haiñ nāzuk-mizāj

nāz-e-bār-e-chādar-e-gul ham uThā sakte nahīñ

kam nahīñ zindāñ se ham ko 'ishq meñ qaid-e-zabt

jaan kho sakte nahīñ aañsū bahā sakte nahīñ

sham.a raushan kī tarah haiñ soz-e-ġham se dahr meñ

aap ro sakte haiñ un ko ham rulā sakte nahīñ

vo agar parda-nashīñ haiñ dekhnā mushkil nahīñ

'aql se parda magar apne uThā sakte nahīñ

us ke kūcha meñ paḌe haiñ naqsh-e-pā kī tarh ham

ḳhud bhī uTh sakte nahīñ vo bhī uThā sakte nahīñ

mar ke jiinā kushta-e-chashm-e-fusūñ-gar kā muhāl

ye vo jaadū hai ki tum jis ko jagā sakte nahīñ

'arsh' mashq-e-sher chhūTī sohbateñ braham huiiñ

rañg taslīm-e-suḳhan-dāñ ab dikhā sakte nahīñ

nalha-e-hijr kis din rang la sakte nahin

aag daman-e-shafaq mein kab laga sakte nahin

bu-e-gul ho ya ki ho mauj-e-nasim-e-subh-e-dam

na-tawan tere kisi ka naz uTha sakte nahin

yun 'inayat ghair par ho aur hum par jhiDkiyan

tab us ki ab tere betab la sakte nahin

saKHtiyan hum se sitam ki o sitamgar kuchh na puchh

koh uTh sakta hai lekin ye uTha sakte nahin

'ishq mein us naznin ke mar ke hain nazuk-mizaj

naz-e-bar-e-chadar-e-gul hum uTha sakte nahin

kam nahin zindan se hum ko 'ishq mein qaid-e-zabt

jaan kho sakte nahin aansu baha sakte nahin

shama raushan ki tarah hain soz-e-gham se dahr mein

aap ro sakte hain un ko hum rula sakte nahin

wo agar parda-nashin hain dekhna mushkil nahin

'aql se parda magar apne uTha sakte nahin

us ke kucha mein paDe hain naqsh-e-pa ki tarh hum

KHud bhi uTh sakte nahin wo bhi uTha sakte nahin

mar ke jina kushta-e-chashm-e-fusun-gar ka muhaal

ye wo jadu hai ki tum jis ko jaga sakte nahin

'arsh' mashq-e-sher chhuTi sohbaten braham huin

rang taslim-e-suKHan-dan ab dikha sakte nahin