nahin pur-ashk ye aankhen kHayal-e-zulf-e-qatil mein

nahīñ pur-ashk ye āñkheñ kHayāl-e-zulf-e-qātil meñ

baḌī mushkil se do dariyā ko jakḌā hai salāsil meñ

nazar vaalo nahīñ ye daaġh hargiz māh-e-kāmil meñ

mirī āñkhoñ se dekho ye koī lailā hai mahmil meñ

hai 'ishq-e-abrū-e-pur-kHam nihāñ jab se mire dil meñ

mirī kashtī ravāñ rahtī hai āb-e-teġh-e-qātil meñ

ravānī dekh kar shamshīr-e-qātil kī huā dhokā

ki koī laal machhlī tairtī hai ḳhūn-e-bismil meñ

gul-e-sham-e-shabistāñ par huā fānūs meñ dhokā

ki koī gul-badan hai jalva-farmā nūr-e-manzil meñ

na din ko chain miltā hai na shab ko niiñd aatī hai

yahāñ ḳhurshīd kī sūrat nahīñ ārām manzil meñ

tasavvur yaar kā hamdard-e-dil hai roz-e-furqat bhī

yahī ik yaar sādiq thā jo kaam aayā hai mushkil meñ

tirī ulfat meñ kHurshīd-o-shafaq par ye guzartī hai

ki hai ye mubtalā tap meñ to vo hai mubtalā sil meñ

lahad meñ aake ham samjhe 'adam kī raah tai kar lī

kahā yāroñ ne pahuñche ho abhī tum pahlī manzil meñ

zamāna mo'tarif kyuuñ kar na ho ātish-bayānī kā

bharā karatā huuñ do ustād-e-fan kī ’arsh meñ chilmeñ

nahin pur-ashk ye aankhen kHayal-e-zulf-e-qatil mein

baDi mushkil se do dariya ko jakDa hai salasil mein

nazar walo nahin ye dagh hargiz mah-e-kaamil mein

meri aankhon se dekho ye koi laila hai mahmil mein

hai 'ishq-e-abru-e-pur-kHam nihan jab se mere dil mein

meri kashti rawan rahti hai aab-e-tegh-e-qatil mein

rawani dekh kar shamshir-e-qatil ki hua dhoka

ki koi lal machhli tairti hai KHun-e-bismil mein

gul-e-sham-e-shabistan par hua fanus mein dhoka

ki koi gul-badan hai jalwa-farma nur-e-manzil mein

na din ko chain milta hai na shab ko nind aati hai

yahan KHurshid ki surat nahin aaram manzil mein

tasawwur yar ka hamdard-e-dil hai roz-e-furqat bhi

yahi ek yar sadiq tha jo kaam aaya hai mushkil mein

teri ulfat mein kHurshid-o-shafaq par ye guzarti hai

ki hai ye mubtala tap mein to wo hai mubtala sil mein

lahad mein aake hum samjhe 'adam ki rah tai kar li

kaha yaron ne pahunche ho abhi tum pahli manzil mein

zamana mo'tarif kyun kar na ho aatish-bayani ka

bhara karata hun do ustad-e-fan ki ’arsh mein chilmen