numayan shan-e-kasrat hi mein wahdat ka tamasha hai

numāyāñ shān-e-kasrat hī meñ vahdat kā tamāsha hai

haiñ qatre chand yakjā jis ko tum kahte ho dariyā hai

vafāoñ par jafā karte ho sāhib vaah kyā kahnā

yahī rasm-e-zamāna hai isī kā naam duniyā hai

jo hasrat hai koī dil meñ to hai dīdār kī hasrat

tamannā hai koī baaqī to marne kī tamannā hai

huiiñ jab band āñkheñ khul gayā har raaz pinhānī

añdhere meñ ujālā hai ujāle meñ añdherā hai

jahāñ bulbul bajā.e naġhma sanjī paḌhtī hai nauha

usī gulshan meñ mujh be-bāl-o-par kā āshiyāna hai

agar vo aa nahīñ sakte to maiñ bhī jā nahīñ saktā

udhar mehñdī lagā.ī hai idhar talvoñ meñ kāñTā hai

maiñ goyā safha-e-hastī pe ik tasvīr-e-fānī huuñ

na ab jiine kī hasrat hai na marne kī tamannā hai

ye kyā tum ne kahā maiñ 'arsh se bilkul nahīñ vāqif

'nasīm' dehlavī kā hind meñ vo nām-levā hai

numayan shan-e-kasrat hi mein wahdat ka tamasha hai

hain qatre chand yakja jis ko tum kahte ho dariya hai

wafaon par jafa karte ho sahib wah kya kahna

yahi rasm-e-zamana hai isi ka nam duniya hai

jo hasrat hai koi dil mein to hai didar ki hasrat

tamanna hai koi baqi to marne ki tamanna hai

huin jab band aankhen khul gaya har raaz pinhani

andhere mein ujala hai ujale mein andhera hai

jahan bulbul bajae naghma sanji paDhti hai nauha

usi gulshan mein mujh be-baal-o-par ka aashiyana hai

agar wo aa nahin sakte to main bhi ja nahin sakta

udhar mehndi lagai hai idhar talwon mein kanTa hai

main goya safha-e-hasti pe ek taswir-e-fani hun

na ab jine ki hasrat hai na marne ki tamanna hai

ye kya tum ne kaha main 'arsh se bilkul nahin waqif

'nasim' dehlawi ka hind mein wo nam-lewa hai