ye jo saz-e-mutrib ki aawaz hai

ye jo sāz-e-mutrib kī āvāz hai

ḳhudā kī ḳhudā.ī kā ik raaz hai

paTaktā huuñ sar us ke qadmoñ pe maiñ

vo kahtā hai kyā terā andāz hai

haqīqat khulī is tarah 'ishq kī

vahī ḳhātima hai jo āġhāz hai

sar-e-bazm koī nahīñ hosh meñ

tire saaz meñ kaisī āvāz hai

the jo ‘ġhālib’-o-'momin’-o-'mīr’ 'dard'

ġhazal meñ mirī un kā andāz hai

Darūñ mo'tariz se maiñ ai 'arsh kyā

mujhe be-kamālī pe jab naaz hai

ye jo saz-e-mutrib ki aawaz hai

KHuda ki KHudai ka ek raaz hai

paTakta hun sar us ke qadmon pe main

wo kahta hai kya tera andaz hai

haqiqat khuli is tarah 'ishq ki

wahi KHatima hai jo aaghaz hai

sar-e-bazm koi nahin hosh mein

tere saz mein kaisi aawaz hai

the jo ‘ghaalib’-o-'momin’-o-'mir’ 'dard'

ghazal mein meri un ka andaz hai

Darun mo'tariz se main ai 'arsh kya

mujhe be-kamali pe jab naz hai