arsh-o-kursi pe to anjaan bane baiThe hain

arsh-o-kursī pe to anjān bane baiThe haiñ

mere qālib meñ mirī jaan bane baiThe haiñ

kahīñ vājib kahīñ imkān bane baiThe haiñ

kahīñ ḳhāliq kahīñ insān bane baiThe haiñ

rag-e-jāñ meñ to mirī jaan bane baiThe haiñ

dil hai ḳhush-qat' to mehmān bane baiThe haiñ

rose jalva hai nayā rose nayā ek banāo

kullu-yaumin huva-fī-shān bane baiThe haiñ

jānte haiñ vo mujhe ḳhuub ki āshiq hai mirā

is shanāsā.ī par anjān bane baiThe haiñ

chashm-e-kāfir meñ haiñ tasvīr-e-but-e-but-e-ġhārat-gar

dil-e-momin meñ vo īmān bane baiThe haiñ

de ke fiqarā yahī kal le ga.e the dil merā

aaj kyā hai ki jo nādān bane baiThe haiñ

aap bikhrā.iye haañ shauq se ruḳh par gesū

sub.h se ham bhī pareshān bane baiThe haiñ

ḳhair hai kaun se a.alam meñ haiñ aap ai 'akbar'

kis ko dekhā hai jo hairān bane baiThe haiñ

arsh-o-kursi pe to anjaan bane baiThe hain

mere qalib mein meri jaan bane baiThe hain

kahin wajib kahin imkan bane baiThe hain

kahin KHaliq kahin insan bane baiThe hain

rag-e-jaan mein to meri jaan bane baiThe hain

dil hai KHush-qat' to mehman bane baiThe hain

rose jalwa hai naya rose naya ek banao

kullu-yaumin huwa-fi-shan bane baiThe hain

jaante hain wo mujhe KHub ki aashiq hai mera

is shanasai par anjaan bane baiThe hain

chashm-e-kafir mein hain taswir-e-but-e-but-e-ghaarat-gar

dil-e-momin mein wo iman bane baiThe hain

de ke fiqara yahi kal le gae the dil mera

aaj kya hai ki jo nadan bane baiThe hain

aap bikhraiye han shauq se ruKH par gesu

subh se hum bhi pareshan bane baiThe hain

KHair hai kaun se aalam mein hain aap ai 'akbar'

kis ko dekha hai jo hairan bane baiThe hain