jab se dil shaida hua hai us but-e-be-pir ka

jab se dil shaidā huā hai us but-e-be-pīr kā

bādshāh maiñ ban gayā huuñ rañj kī jāgīr kā

dekh kar tasvīr apnī ban ga.e tasvīr vo

kHuub jhagḌā hogā ab tasvīr se tasvīr kā

hai sar-e-bālīñ masīhā aur malik-ul-maut bhī

ab taqāzā dekhnā tadbīr se taqdīr kā

ḳhaak pā-e-dil-rubā laanā tabībo DhūñDh kar

kaam miTTī se liyā jaatā hai ab iksīr kā

kis ko DhūñDūñ kaun ai 'asġhar' paḌhe tahrīr ko

kuchh paḌhā jaatā nahīñ likhā merī taqdīr kā

jab se dil shaida hua hai us but-e-be-pir ka

baadshah main ban gaya hun ranj ki jagir ka

dekh kar taswir apni ban gae taswir wo

kHub jhagDa hoga ab taswir se taswir ka

hai sar-e-baalin masiha aur malik-ul-maut bhi

ab taqaza dekhna tadbir se taqdir ka

KHak pa-e-dil-ruba lana tabibo DhunDh kar

kaam miTTi se liya jata hai ab iksir ka

kis ko DhunDun kaun ai 'asghar' paDhe tahrir ko

kuchh paDha jata nahin likha meri taqdir ka