paikar-e-mom tha kuchh ’azm dikhaya maine

paikar-e-mom thā kuchh 'azm dikhāyā maiñ ne

husn vaale tujhe patthar sā hī paayā maiñ ne

kar sakī ruuh mo'attar na merī tū aa kar

paañv nik.hat terī jānib bhī baḌhāyā maiñ ne

maiñ ye suntā thā ki kāñTe hī chubhan dete haiñ

zaḳhm phūloñ se magar dekhiye khāyā maiñ ne

log to sho'ala-e-ātish se Darā karte haiñ

ḳhud ko shabnam se sar-e-bazm jalāyā maiñ ne

ab ḳhushī aur kahāñ jā ke milegī mujh ko

tohfa-e-ġham to masarrat se hī paayā maiñ ne

maiñ terī chaah meñ ai ziist vahāñ tak pahuñchā

haath bhī maut ke hāthoñ se milāyā maiñ ne

kahtā 'āsif' hai ye nā-kām-e-tamannā ho kar

jazba-e-dil tujhe be-kār gañvāyā maiñ ne

paikar-e-mom tha kuchh 'azm dikhaya main ne

husn wale tujhe patthar sa hi paya main ne

kar saki ruh mo'attar na meri tu aa kar

panw nikhat teri jaanib bhi baDhaya main ne

main ye sunta tha ki kanTe hi chubhan dete hain

zaKHm phulon se magar dekhiye khaya main ne

log to sho'ala-e-atish se Dara karte hain

KHud ko shabnam se sar-e-bazm jalaya main ne

ab KHushi aur kahan ja ke milegi mujh ko

tohfa-e-gham to masarrat se hi paya main ne

main teri chah mein ai zist wahan tak pahuncha

hath bhi maut ke hathon se milaya main ne

kahta 'asif' hai ye na-kaam-e-tamanna ho kar

jazba-e-dil tujhe be-kar ganwaya main ne