har kisi ko dekho mat tum hoga nuqsan-e-jamal

har kisī ko dekho mat tum hogā nuqsān-e-jamāl

mustafā kī samt dekho dekho faizān-e-jamāl

ḳhulq meñ atvār meñ kirdār meñ ausāf meñ

mustafā kī zaat hai me.aar mīzān-e-jamāl

hashr meñ barseñgī rahmat kī ghaTā.eñ jhuum kar

abr ban kar chhā.eñge gesū-e-sultān-e-jamāl

farsh par ġhash khā.eñ muusā 'arsh par pahuñcheñ huzūr

hai udhar shān-e-jalālī aur idhar shān-e-jamāl

mustafā se baḌh ke koī ḳhūbsūrat hī nahīñ

hai nabī kī dāstāñ ko zeb ’unvān-e-jamāl

jin se rab raazī huā aur jin se ḳhush haiñ mustafā

un ke hī siine meñ rakhā rab ne qur.ān-e-jamāl

mustafā kī aal kā ehsān 'mājid' kuchh na pūchh

karbalā meñ nazr-e-dīñ hai saarā bustān-e-jamāl

har kisi ko dekho mat tum hoga nuqsan-e-jamal

mustafa ki samt dekho dekho faizan-e-jamal

KHulq mein atwar mein kirdar mein ausaf mein

mustafa ki zat hai mear mizan-e-jamal

hashr mein barsengi rahmat ki ghaTaen jhum kar

abr ban kar chhaenge gesu-e-sultan-e-jamal

farsh par ghash khaen musa 'arsh par pahunchen huzur

hai udhar shan-e-jalali aur idhar shan-e-jamal

mustafa se baDh ke koi KHubsurat hi nahin

hai nabi ki dastan ko zeb ’unwan-e-jamal

jin se rab raazi hua aur jin se KHush hain mustafa

un ke hi sine mein rakha rab ne quran-e-jamal

mustafa ki aal ka ehsan 'majid' kuchh na puchh

karbala mein nazr-e-din hai sara bustan-e-jamal