tere husn ne diya KHud tujhe zauq-e-kHud-pasandi

tire husn ne diyā ḳhud tujhe zauq-e-kHud-pasandī

ye hai aur baat mujrim hai mirī niyāz-mandī

maiñ vo rāh-rau ki ka.aba bhī hai sañg-e-mīl jis ko

kahīñ gum na kar de apnī yahī intihā-pasandī

jahāñ barq kauñdtī hai vahīñ āshiyāñ banāyā

ye mire junūñ kī himmat ye mirī ḳhatar-pasandī

ye guloñ meñ bel-būTe ye falak pe chāñd-tāre

ye tirā kamāl-e-san'at ye kamāl-e-naqsh-bandī

ye junūñ kī thī karāmat ki milā svād-e-manzil

mire kaam kuchh bhī aa.ī na ḳhudī kī hosh-mandī

mire saada sheroñ meñ bhī haiñ 'atā' farāz ma.anī

inhīñ pastiyoñ meñ DhūñDo mare fikr kī bulandī

tere husn ne diya KHud tujhe zauq-e-kHud-pasandi

ye hai aur baat mujrim hai meri niyaz-mandi

main wo rah-rau ki kaba bhi hai sang-e-mil jis ko

kahin gum na kar de apni yahi intiha-pasandi

jahan barq kaundti hai wahin aashiyan banaya

ye mere junun ki himmat ye meri KHatar-pasandi

ye gulon mein bel-buTe ye falak pe chand-tare

ye tera kamal-e-san'at ye kamal-e-naqsh-bandi

ye junun ki thi karamat ki mila swad-e-manzil

mere kaam kuchh bhi aai na KHudi ki hosh-mandi

mere sada sheron mein bhi hain 'ata' faraaz mani

inhin pastiyon mein DhunDo mare fikr ki bulandi