shoala-e-husn tur par dekha

sho.ala-e-husn tuur par dekhā

nuur meñ naar jalva-gar dekhā

husn kī be-niyāziyāñ na ga.iiñ

'ishq ko laakh ġham ba-sar dekhā

un kī pahlī sī bhī nazar na rahī

apnī girya kā ye asar dekhā

duur itnā hī maiñ huā ḳhud se

tujh ko nazdīk jis qadar dekhā

husn-e-āzād aur ba-qaid-e-hijāb

ham ne chāhā use jidhar dekhā

na banā āshnā kabhī na banā

charḳh ko laakh apnā kar dekhā

dil kī bastī ujaḌ ga.ī 'at.har'

ye fasāna bhī muḳhtasar dekhā

shoala-e-husn tur par dekha

nur mein nar jalwa-gar dekha

husn ki be-niyaziyan na gain

'ishq ko lakh gham ba-sar dekha

un ki pahli si bhi nazar na rahi

apni girya ka ye asar dekha

dur itna hi main hua KHud se

tujh ko nazdik jis qadar dekha

husn-e-azad aur ba-qaid-e-hijab

hum ne chaha use jidhar dekha

na bana aashna kabhi na bana

charKH ko lakh apna kar dekha

dil ki basti ujaD gai 'athar'

ye fasana bhi muKHtasar dekha