main partaw-e-anwar-e-KHuda sirr-e-nihan hun

maiñ partav-e-anvār-e-ḳhudā sirr-e-nihāñ huuñ

'ālam meñ nishāñ jis kā nahīñ us kā nishāñ huuñ

sabr-dil 'āshiq kī tarh huuñ kabhī maḳhfī

gah-e-sūrat-e-husn-e-ruḳh-e-mā’shūq-e-’ayāñ huuñ

huuñ bazm-e-sharī'at meñ kabhī sadr-nashīñ bhī

aur dair-o-barhaman meñ kabhī mahv-e-butāñ huuñ

chillātā huuñ but-ḳhāna meñ gah-e-sūrat-e-nāqūs

huuñ shakl-e-muazzin kabhī āvāz-e-azāñ huuñ

vā'iz kā huuñ pairau kabhī zāhid kā muqallid

ki riñd huuñ aur mo'taqid-e-pīr-e-muġhāñ huuñ

jallād bhī huuñ aur kabhī mazlūm kī sūrat

huuñ zaḳhm-e-jigar aur kabhī nok-e-sināñ huuñ

kī jis ne hai 'aughaT' dar-e-vāris kī gadā.ī

vo kyuuñ na kahe ġhairat-e-shāhāñ jahāñ huuñ

main partaw-e-anwar-e-KHuda sirr-e-nihan hun

'alam mein nishan jis ka nahin us ka nishan hun

sabr-dil 'ashiq ki tarh hun kabhi maKHfi

gah-e-surat-e-husn-e-ruKH-e-ma’shuq-e-’ayan hun

hun bazm-e-shari'at mein kabhi sadr-nashin bhi

aur dair-o-barhaman mein kabhi mahw-e-butan hun

chillata hun but-KHana mein gah-e-surat-e-naqus

hun shakl-e-muazzin kabhi aawaz-e-azan hun

wa'iz ka hun pairau kabhi zahid ka muqallid

ki rind hun aur mo'taqid-e-pir-e-mughan hun

jallad bhi hun aur kabhi mazlum ki surat

hun zaKHm-e-jigar aur kabhi nok-e-sinan hun

ki jis ne hai 'aughaT' dar-e-waris ki gadai

wo kyun na kahe ghairat-e-shahan jahan hun