dekh kar us but ko sakta kyun na ho

dekh kar us but ko sakta kyuuñ na ho

ik jahāñ mahv-e-tamāshā kyuuñ na ho

dekhte haiñ dekhne vaale tumheñ

koī sūrat koī naqsha kyuuñ na ho

jis ne chhoḌā dīn-o-duniyā kā ḳhayāl

donoñ 'ālam meñ yaktā kyuuñ na ho

raaz ifshā kar diyā mansūr ne

jā-bajā ab us kā charchā kyuuñ na ho

khul ga.ī apnī haqīqat jis ko vo

juz se kul qatra se dariyā kyuuñ na ho

jis ne dekhā chashm-e-haq-bīñ se tumheñ

vo tumhārā dil se banda kyuuñ na ho

aadmī 'aughaT' sā ho.e but-parast

us kī qismat meñ likhā thā kyuuñ na ho

dekh kar us but ko sakta kyun na ho

ek jahan mahw-e-tamasha kyun na ho

dekhte hain dekhne wale tumhein

koi surat koi naqsha kyun na ho

jis ne chhoDa din-o-duniya ka KHayal

donon 'alam mein yakta kyun na ho

raaz ifsha kar diya mansur ne

ja-baja ab us ka charcha kyun na ho

khul gai apni haqiqat jis ko wo

juz se kul qatra se dariya kyun na ho

jis ne dekha chashm-e-haq-bin se tumhein

wo tumhaara dil se banda kyun na ho

aadmi 'aughaT' sa hoe but-parast

us ki qismat mein likha tha kyun na ho