دیکھ کر اس بت کو سکتہ کیوں نہ ہو

دیکھ کر اس بت کو سکتہ کیوں نہ ہو

اک جہاں محو تماشا کیوں نہ ہو

دیکھتے ہیں دیکھنے والے تمہیں

کوئی صورت کوئی نقشہ کیوں نہ ہو

جس نے چھوڑا دین و دنیا کا خیال

دونوں عالم میں یکتا کیوں نہ ہو

راز افشا کر دیا منصور نے

جابجا اب اس کا چرچا کیوں نہ ہو

کھل گئی اپنی حقیقت جس کو وہ

جز سے کل قطرہ سے دریا کیوں نہ ہو

جس نے دیکھا چشم حق بیں سے تمہیں

وہ تمہارا دل سے بندہ کیوں نہ ہو

آدمی اوگھٹؔ سا ہوئے بت پرست

اس کی قسمت میں لکھا تھا کیوں نہ ہو