dekh kar banki ada ek bani-e-be-dad ki

dekh kar bāñkī adā ik bānī-e-be-dād kī

dil meñ dard aisā huā be-sāḳhta fariyād kī

ham uThā.eñ naaz tum ko ḳhush kareñ raazī rakheñ

tum na pūchho baat bhī mere dil-e-nāshād kī

aarzū thī ḳhaak bhī ho kar na chhoḌeñ kuue dost

tū ne ai bād-e-sabā miTTī mirī barbād kī

nakHvat-o-kHud-bīnī-o-kibr-o-ġhurūr-o-sarkashī

un hasīnoñ meñ haiñ ye sab ḳhaslateñ shaddād kī

niiñd bhī kam aa.ī dekhe ḳhvāb meñ kohsār bhī

jab kahānī raat ko ham ne sunī farhād kī

ek din bhūle se bhī yād-e-ḳhudā ham ne na kī

un butoñ kī 'āshiqī meñ zindagī barbād kī

mashġhala thā ai junūñ ye dasht aur kohsār meñ

turbateñ maiñ ne banā.īñ qais aur farhād kī

nīmcha chhoTā sā nāzuk haath us par kam-sinī

zaḳhm gar ochhe lage to kyā ḳhatā jallād kī

dāġh-e-dil zaḳhm-e-jigar soz-e-darūñ aur āh-e-sard

laa.e ye do-chār sauġhāteñ murādābād kī

kaam bigḌe ban ga.e mushkil se chhuTkārā huā

hazrat vāris ne jab 'aughaT' mirī imdād kī

dekh kar banki ada ek bani-e-be-dad ki

dil mein dard aisa hua be-saKHta fariyaad ki

hum uThaen naz tum ko KHush karen raazi rakhen

tum na puchho baat bhi mere dil-e-nashad ki

aarzu thi KHak bhi ho kar na chhoDen kue dost

tu ne ai baad-e-saba miTTi meri barbaad ki

nakHwat-o-kHud-bini-o-kibr-o-ghurur-o-sarkashi

un hasinon mein hain ye sab KHaslaten shaddad ki

nind bhi kam aai dekhe KHwab mein kohsar bhi

jab kahani raat ko hum ne suni farhad ki

ek din bhule se bhi yaad-e-KHuda hum ne na ki

un buton ki 'ashiqi mein zindagi barbaad ki

mashghala tha ai junun ye dasht aur kohsar mein

turbaten main ne banain qais aur farhad ki

nimcha chhoTa sa nazuk hath us par kam-sini

zaKHm gar ochhe lage to kya KHata jallad ki

dagh-e-dil zaKHm-e-jigar soz-e-darun aur aah-e-sard

lae ye do-chaar saughaten muradabaad ki

kaam bigDe ban gae mushkil se chhuTkara hua

hazrat waris ne jab 'aughaT' meri imdad ki