wo hath aaen tere waiz kahan se

vo haath aa.eñ tere vā'iz kahāñ se

jo bai.at kar chuke pīr-e-muġhāñ se

kare vo 'ishq kā da'ava zabāñ se

na muñh moḌe jo teġh-e-imtihāñ se

azal meñ aur abad meñ farq kyā hai

vahīñ jā.eñge aa.e the jahāñ se

rasā.ī kyā is jān-e-jahāñ tak

hai aage jis kī manzil lā-makāñ se

ḳhudī chhoḌe miTai apnī hastī

kare jo dostī us be-nishāñ se

ḳham-e-abru pe maftūñ ho gayā dil

kyā us ne mujhe ghā.il kamāñ se

sitam kab tak uThā.ūñ un butoñ ke

jigar patthar kā maiñ laaoñ kahāñ se

nahīñ maqtal meñ us ne teġh tolī

uThāyā haath us ne imtihāñ se

ḳhudā kī bandagī 'aughaT' kareñ ab

ki dil ghabrā gayā jaur-e-butāñ se

wo hath aaen tere wa'iz kahan se

jo baiat kar chuke pir-e-mughan se

kare wo 'ishq ka da'awa zaban se

na munh moDe jo tegh-e-imtihan se

azal mein aur abad mein farq kya hai

wahin jaenge aae the jahan se

rasai kya is jaan-e-jahan tak

hai aage jis ki manzil la-makan se

KHudi chhoDe miTai apni hasti

kare jo dosti us be-nishan se

KHam-e-abru pe maftun ho gaya dil

kya us ne mujhe ghail kaman se

sitam kab tak uThaun un buton ke

jigar patthar ka main laon kahan se

nahin maqtal mein us ne tegh toli

uThaya hath us ne imtihan se

KHuda ki bandagi 'aughaT' karen ab

ki dil ghabra gaya jaur-e-butan se