wahan wo hain bagh hai ghair hain bat mai hai jam-e-sharab hai

vahāñ vo haiñ baaġh hai ġhair haiñ bat mai hai jām-e-sharāb hai

yahāñ maiñ huuñ soz-e-firāq hai mirā siina ġham se kabāb hai

vo balā kā sho’bada-bāz hai ki 'ayāñ hai aur nihāñ bhī hai

ye usī kā jalva hai chār-sū magar us ke ruḳh pe naqāb hai

ye ġhazab hai dair-o-haram meñ sab kareñ sañg-bosī to ek sī

ye kahe hai vā'iz-e-kHud-ġharz vo savāb hai ye 'azāb hai

phirā ḳhālī haath jo nāma-bar hai yaqīn sunā.egā ye ḳhabar

vo rahe sukūt meñ der tak yahī ḳhat kā tere javāb hai

kare husn-o-'ishq meñ bahs kyā nahīñ vāqif 'aughaT-e-be-navā

ba-ḳhudā ki maktab-e-'ishq meñ abhī us kī pahlī kitāb hai

wahan wo hain bagh hai ghair hain bat mai hai jam-e-sharab hai

yahan main hun soz-e-firaq hai mera sina gham se kabab hai

wo bala ka sho’bada-baz hai ki 'ayan hai aur nihan bhi hai

ye usi ka jalwa hai chaar-su magar us ke ruKH pe naqab hai

ye ghazab hai dair-o-haram mein sab karen sang-bosi to ek si

ye kahe hai wa'iz-e-kHud-gharz wo sawab hai ye 'azab hai

phira KHali hath jo nama-bar hai yaqin sunaega ye KHabar

wo rahe sukut mein der tak yahi KHat ka tere jawab hai

kare husn-o-'ishq mein bahs kya nahin waqif 'aughaT-e-be-nawa

ba-KHuda ki maktab-e-'ishq mein abhi us ki pahli kitab hai