uski zaban pe kyun na sada allah hu rahe

us kī zabāñ pe kyuuñ na sadā allāh hū rahe

jis kī nazar ke sāmne jab tū hī tū rahe

dekhā kiyā maiñ un ko sar-e-bazm is tarah

pahroñ vo be-naqāb mire rū-ba-rū rahe

pā.egā vo zarūr tujhe rāh-e-'ishq meñ

dil se agar kisī ko tirī justujū rahe

miT jā.ūñ un kī yaad is tarh ham-nashīñ

baaqī na maiñ rahūñ na mirī aarzū rahe

dil meñ kuchh aarzū hai to bas itnī aarzū

mehmāñ hamāre dil meñ faqat zāt-e-hū rahe

jaamī vo aaj ḳhāna-e-dil hī meñ mil ga.e

muddat se jin ko DhūñDhte ham kū-ba-kū rahe

us ki zaban pe kyun na sada allah hu rahe

jis ki nazar ke samne jab tu hi tu rahe

dekha kiya main un ko sar-e-bazm is tarah

pahron wo be-naqab mere ru-ba-ru rahe

paega wo zarur tujhe rah-e-'ishq mein

dil se agar kisi ko teri justuju rahe

miT jaun un ki yaad is tarh ham-nashin

baqi na main rahun na meri aarzu rahe

dil mein kuchh aarzu hai to bas itni aarzu

mehman hamare dil mein faqat zat-e-hu rahe

jami wo aaj KHana-e-dil hi mein mil gae

muddat se jin ko DhunDhte hum ku-ba-ku rahe