اس کی زباں پہ کیوں نہ صدا اللہ ہو رہے

اس کی زباں پہ کیوں نہ صدا اللہ ہو رہے

جس کی نظر کے سامنے جب تو ہی تو رہے

دیکھا کیا میں ان کو سر بزم اس طرح

پہروں وہ بے نقاب مرے رو بہ رو رہے

پائے گا وہ ضرور تجھے راہ عشق میں

دل سے اگر کسی کو تری جستجو رہے

مٹ جاؤں ان کی یاد اس طرح ہم نشیں

باقی نہ میں رہوں نہ مری آرزو رہے

دل میں کچھ آرزو ہے تو بس اتنی آرزو

مہماں ہمارے دل میں فقط ذات ہو رہے

جامی وہ آج خانہ دل ہی میں مل گئے

مدت سے جن کو ڈھونڈھتے ہم کو بہ کو رہے