teri mahfil mein ye jaanana dekha

terī mahfil meñ ye jānāna dekhā

jise dekhā use parvāna dekhā

kisī parda-nashīñ kī justujū meñ

kabhī kā'ba kabhī but-ḳhāna dekhā

karāmat ye bhī hai pīr-e-muġhāñ kī

ki zāhid ne dar-e-mai-ḳhāna na dekhā

ye gibr-o-shaikH ke maz.hab meñ kab hai

jo lutf-e-mashrab-e-rindāna dekhā

hue sarshār-o-be-kHud shaiḳh sāhib

kaho faiz-e-dar-e-mai-kHāna dekhā

ḳhudā shāhid hai sach kahtā huuñ zāhid

butoñ meñ jalva-e-jānāna dekhā

usī ko har jagah mehmān paayā

usī ko ham ne sāhab-e-ḳhāna dekhā

rahī hasrat na sair-e-lā-makāñ kī

shah-e-vāris kā jab kāshāna dekhā

ḳhafā hone meñ bhī us gul ke 'aughaT'

'ajab ik nāz-e-mā’shūqāna dekhā

teri mahfil mein ye jaanana dekha

jise dekha use parwana dekha

kisi parda-nashin ki justuju mein

kabhi ka'ba kabhi but-KHana dekha

karamat ye bhi hai pir-e-mughan ki

ki zahid ne dar-e-mai-KHana na dekha

ye gibr-o-shaikH ke mazhab mein kab hai

jo lutf-e-mashrab-e-rindana dekha

hue sarshaar-o-be-kHud shaiKH sahib

kaho faiz-e-dar-e-mai-kHana dekha

KHuda shahid hai sach kahta hun zahid

buton mein jalwa-e-jaanana dekha

usi ko har jagah mehman paya

usi ko hum ne sahab-e-KHana dekha

rahi hasrat na sair-e-la-makan ki

shah-e-waris ka jab kashana dekha

KHafa hone mein bhi us gul ke 'aughaT'

'ajab ek naz-e-ma’shuqana dekha