de ke gham uff mah-jabin ishrat ka saman le chala

de ke ġham uff mah-jabīñ 'ishrat kā sāmāñ le chalā

dil mirā zaḳhmī kiyā aur dīn-o-īmāñ le chalā

aan kar mulk-e-adam se maiñ ne ye saudā kiyā

dil diyā aur is jahāñ se 'ishq-e-ḳhūbāñ le chalā

kal jahāñ is dil ke hāthoñ se huī be-'izzatī

aaj phir ham ko usī mahfil meñ nādāñ le chalā

sar mirā ḳhud us ne kaaTā aake teġh-e-tez se

apnī gardan par ye maiñ qātil kā ehsāñ le chalā

shaad aur bashshāsh maiñ aayā thā bazm-e-yār meñ

jab chalā tū chashm-e-nam aur sīna-bariyāñ le chalā

kufr ab kā'ba meñ bhī phailā.egā 'aughaT' zarūr

dil meñ rakh kar un butoñ ko ye bad-īmāñ le chalā

de ke gham uff mah-jabin 'ishrat ka saman le chala

dil mera zaKHmi kiya aur din-o-iman le chala

aan kar mulk-e-adam se main ne ye sauda kiya

dil diya aur is jahan se 'ishq-e-KHuban le chala

kal jahan is dil ke hathon se hui be-'izzati

aaj phir hum ko usi mahfil mein nadan le chala

sar mera KHud us ne kaTa aake tegh-e-tez se

apni gardan par ye main qatil ka ehsan le chala

shad aur bashshash main aaya tha bazm-e-yar mein

jab chala tu chashm-e-nam aur sina-bariyan le chala

kufr ab ka'ba mein bhi phailaega 'aughaT' zarur

dil mein rakh kar un buton ko ye bad-iman le chala