shaiKH nai ki rehn mai-e-dastar aaj

shaiḳh nai kī rehn mai-e-dastār aaj

mil gayā rindoñ meñ ye abrār aaj

ḳhvāb meñ dekhā hai rū-e-yār aaj

baḳht-e-ḳhufta ho gayā bedār aaj

shaam ko aa.egā vo bālā-e-bām

sub.h se baiTheñ pas-e-dīvār aaj

kal hī dekhe the lab-e-jāñ-baḳhsh yaar

ho gayā achchhā dil-e-bīmār aaj

dekh leñ gar us ko shaiḳh-o-barhaman

toḌ Dāleñ sub.ha-o-zunnār aaj

kis kā legā imtihāñ khultā nahīñ

bāñdh kar niklā hai vo talvār aaj

al-madad ai vāris-e-’ālam-panāh

kījiye 'aughaT' kā beḌā paar aaj

shaiKH nai ki rehn mai-e-dastar aaj

mil gaya rindon mein ye abrar aaj

KHwab mein dekha hai ru-e-yar aaj

baKHt-e-KHufta ho gaya bedar aaj

sham ko aaega wo baala-e-baam

subh se baiThen pas-e-diwar aaj

kal hi dekhe the lab-e-jaan-baKHsh yar

ho gaya achchha dil-e-bimar aaj

dekh len gar us ko shaiKH-o-barhaman

toD Dalen subha-o-zunnar aaj

kis ka lega imtihan khulta nahin

bandh kar nikla hai wo talwar aaj

al-madad ai waris-e-’alam-panah

kijiye 'aughaT' ka beDa par aaj