ada par koi marta hai koi maftun hai chitwan par

adā par koī martā hai koī maftūñ hai chitvan par

hazāroñ ke gale kaTte haiñ un ke husn-o-jauban par

ham hī ko qatl karte haiñ ham hī se kahe jaate haiñ

rahegā hashr tak ye bār-e-ehsāñ terī gardan par

samajh kar khel maqtal meñ uThāyā nīmcha jis dam

lage hañsne vahāñ zaḳhm-e-qātil ke laḌakpan par

sitam ījād hai zālim adā se qatl karatā hai

gale milne meñ rakh dī teġh-e-abrū merī gardan par

ye Dar hai dāvar-e-mahshar se gar dād-e-sitam chāhūñ

ḳhudā ko rahm aa jaa.e na qātil ke laḌakpan par

raqīboñ kā muqaddar kaash mil jaatā mujhe 'aughaT'

kabhī to fātiha paḌhne vo aate mere madfan par

ada par koi marta hai koi maftun hai chitwan par

hazaron ke gale kaTte hain un ke husn-o-jauban par

hum hi ko qatl karte hain hum hi se kahe jate hain

rahega hashr tak ye bar-e-ehsan teri gardan par

samajh kar khel maqtal mein uThaya nimcha jis dam

lage hansne wahan zaKHm-e-qatil ke laDakpan par

sitam ijad hai zalim ada se qatl karata hai

gale milne mein rakh di tegh-e-abru meri gardan par

ye Dar hai dawar-e-mahshar se gar dad-e-sitam chahun

KHuda ko rahm aa jae na qatil ke laDakpan par

raqibon ka muqaddar kash mil jata mujhe 'aughaT'

kabhi to fatiha paDhne wo aate mere madfan par