koi bashar na jahan mein jo mubtala-e-firaq

koī bashar na jahāñ meñ jo mubtalā-e-firāq

ḳhudā ke qahr se kuchh kam nahīñ balā-e-firāq

halāk dam meñ jo insāñ ko be-ajal kar de

na aisā dard-o-ġham hai koī sivā-e-firāq

hazār sadme haiñ kam ek hijr ke gam se

ḳhudā kisī ke na dushman ko bhī dikhā.e firāq

kahīñ baḌī hai qayāmat ke din se hijr kī shab

koī bayān nahīñ kar saktā ibtidā-e-firāq

kaleja 'āshiq-e-ġhamgīñ kā roz khātā hai

ḳhudā ne kī hai muqarrar yahī ġhizā-e-firāq

sivā-e-sharbat-e-dīdār yaar ai 'aughaT'

jahāñ meñ aur nahīñ hai koī davā-e-firāq

koi bashar na jahan mein jo mubtala-e-firaq

KHuda ke qahr se kuchh kam nahin bala-e-firaq

halak dam mein jo insan ko be-ajal kar de

na aisa dard-o-gham hai koi siwa-e-firaq

hazar sadme hain kam ek hijr ke gam se

KHuda kisi ke na dushman ko bhi dikhae firaq

kahin baDi hai qayamat ke din se hijr ki shab

koi bayan nahin kar sakta ibtida-e-firaq

kaleja 'ashiq-e-ghamgin ka roz khata hai

KHuda ne ki hai muqarrar yahi ghiza-e-firaq

siwa-e-sharbat-e-didar yar ai 'aughaT'

jahan mein aur nahin hai koi dawa-e-firaq