azal se qafila ab tak rawan hai

azal se qāfila ab tak ravāñ hai

nahīñ ma.alūm kuchh jaanā kahāñ hai

bahut dil-bastagī us se na kariye

jahān-e-rañg-o-bū vahm-o-gumāñ hai

ka.ī din se hai dil meñ ek uljhan

nahīñ ma.alūm kyā rāz-e-nihāñ hai

zabān-e-shauq kī dekho balāġhat

ḳhamoshī meñ nihāñ sad dāstāñ hai

koī me.ayār hī baaqī nahīñ ab

jise dekho vo mīr-e-kārvāñ hai

jabīn-e-shauq hai maa.il ba-sajda

ḳhudā-vandā ye kis kā āstāñ hai

sambhal kar baiThiyegā shaiḳh sāheb

‘sa.īd’ shā.er-e-jādū-bayāñ hai

azal se qafila ab tak rawan hai

nahin malum kuchh jaana kahan hai

bahut dil-bastagi us se na kariye

jahan-e-rang-o-bu wahm-o-guman hai

kai din se hai dil mein ek uljhan

nahin malum kya raaz-e-nihan hai

zaban-e-shauq ki dekho balaghat

KHamoshi mein nihan sad dastan hai

koi meayar hi baqi nahin ab

jise dekho wo mir-e-karwan hai

jabin-e-shauq hai mail ba-sajda

KHuda-wanda ye kis ka aastan hai

sambhal kar baiThiyega shaiKH saheb

‘said’ shaer-e-jadu-bayan hai