na kuchh aap mujhse mera haal puchhen kiya na-tawan zoaf-e-gham ne yahan tak

na kuchh aap mujh se mirā haal pūchheñ kiyā nā-tavāñ zo.af-e-ġham ne yahāñ tak

par-o-bāl bhī paas hote suhāte na pahuñchā gayā ars-e-āshiyāñ tak

ye me.arāj-e-ulfat nahii. hai to kyā hai ki pastī ne paa.ī bulandī yahāñ tak

milā charḳh se baḌh ke dāmāñ-getī ga.ī uḌ ke ḳhāk-e-zamīñ āsmāñ tak

guzārī bhī tanhā rahe bhī akele sitam bhī uThā.e musībat bhī jhele

ye ulfat kī majbūriyoñ ke jhele ki harf-e-shikāyat na laa.e zabāñ tak

pahuñchtā to un ko zarar kyuuñ pahuñchtā javānān-e-gulshan se kyā vāsta thā

ġharaz barq ko thī mare āshiyāñ se girī par rahī āshiyāñ tak

kahāñ jazb-e-dil ne karishme dikhā.e vafāoñ ke jauhar kahāñ kaam aa.e

pa.e fātiha kab vo tashrīf laa.e na baaqī rahā qabr kā jab nishāñ tak

ta.ajjub hī kyā aañkh agar nam nahii. hai vo ashk-e-musalsal kā a.alam nahii. hai

chaman ke ujaḌne hī kā ġham nahii. hai nazar meñ hai barbādī-e-āshiyāñ tak

ye kaalī ghaTā.eñ ye ThanDī havā.eñ ye ḳhush-rañg phūlūñ kī dil-kash adā.eñ

ye gulshan ye gulshan kī rañgīñ fazā.eñ raheñgī hameñ yaad ahd-e-ḳhizāñ tak

qiyāmat ye kyā dast-e-vahshat Dhaa.ī dahā.ī dahā.ī dahā.ī dahā.ī

bahār-e-chaman qā.ede se na aa.ī ki uḌne lagīñ jeb kī dhajjiyāñ tak

bahut ājizī kī mirī chashm-e-tar ne na chhoḌā magar zulm bedād-gar ne

ruḳh apnā jo palTā zarā us nazar ne azal ḳhaak jal kar huā āshiyāñ tak

na kuchh aap mujh se mera haal puchhen kiya na-tawan zoaf-e-gham ne yahan tak

par-o-baal bhi pas hote suhate na pahuncha gaya ars-e-ashiyan tak

ye mearaj-e-ulfat nahi hai to kya hai ki pasti ne pai bulandi yahan tak

mila charKH se baDh ke daman-geti gai uD ke KHak-e-zamin aasman tak

guzari bhi tanha rahe bhi akele sitam bhi uThae musibat bhi jhele

ye ulfat ki majburiyon ke jhele ki harf-e-shikayat na lae zaban tak

pahunchta to un ko zarar kyun pahunchta jawanan-e-gulshan se kya wasta tha

gharaz barq ko thi mare aashiyan se giri par rahi aashiyan tak

kahan jazb-e-dil ne karishme dikhae wafaon ke jauhar kahan kaam aae

pae fatiha kab wo tashrif lae na baqi raha qabr ka jab nishan tak

tajjub hi kya aankh agar nam nahi hai wo ashk-e-musalsal ka aalam nahi hai

chaman ke ujaDne hi ka gham nahi hai nazar mein hai barbaadi-e-ashiyan tak

ye kali ghaTaen ye ThanDi hawaen ye KHush-rang phulun ki dil-kash adaen

ye gulshan ye gulshan ki rangin fazaen rahengi hamein yaad ahd-e-KHizan tak

qiyamat ye kya dast-e-wahshat Dhai dahai dahai dahai dahai

bahaar-e-chaman qaede se na aai ki uDne lagin jeb ki dhajjiyan tak

bahut aajizi ki meri chashm-e-tar ne na chhoDa magar zulm bedad-gar ne

ruKH apna jo palTa zara us nazar ne azal KHak jal kar hua aashiyan tak