ab tak to mujhko jo bhi mila be-wafa mila

ab tak to mujh ko jo bhī milā be-vafā milā

kī justujū bahut na koī dilrubā milā

ab tak jafā-shi.ār milā be-vafā milā

is āshiqī kā ḳhuub hī achchhā salā milā

dil-soz mohabbat se to jaltā huā milā

lekin dhuāñ kabhī kabhī na uThtā huā milā

ik ek aadmī ko hai dekhā qarīb se

duniyā maiñ aaj tak na koī bā-vafā milā

khojā kahāñ kahāñ use DhūñDhā kahāñ kahāñ

mujh ko magar na aaj tak us kā patā chalā

ai mere dost ai mire hamdard-o-rafīq

dil ko mire dikhā ke batā tujh ko kyā milā

vo mujh se kyā mile ki ye duniyā hī mil ga.ī

'az.har' jo chāhte the vahī mudda.ā milā

ab tak to mujh ko jo bhi mila be-wafa mila

ki justuju bahut na koi dilruba mila

ab tak jafa-shiar mila be-wafa mila

is aashiqi ka KHub hi achchha sala mila

dil-soz mohabbat se to jalta hua mila

lekin dhuan kabhi kabhi na uThta hua mila

ek ek aadmi ko hai dekha qarib se

duniya main aaj tak na koi ba-wafa mila

khoja kahan kahan use DhunDha kahan kahan

mujh ko magar na aaj tak us ka pata chala

ai mere dost ai mere hamdard-o-rafiq

dil ko mere dikha ke bata tujh ko kya mila

wo mujh se kya mile ki ye duniya hi mil gai

'azhar' jo chahte the wahi muddaa mila