wo na aaya yunhi rah takta raha

vo na aayā yūñhī raah taktā rahā

raat Dhaltī rahī dil machaltā rahā

naam le le ke us kā maiñ jiitā rahā

merī be-chārgī par vo hañstā rahā

kyā batā.ūñ shab-e-hijr kī dāstāñ

raat saarī hī jī jī ke martā rahā

bārgāh-e-ḳhudā meñ uThā kar ke haath

maiñ duā rose baḳhshish kī karatā rahā

be-ḳhudī mujh ko le aa.ī kis moḌ par

apne saa.e se bhī meñ to Dartā rahā

dil ke hāthoñ meñ majbūr 'az.har' huuñ ab

ki jafā par vafā us kī karatā rahā

wo na aaya yunhi rah takta raha

raat Dhalti rahi dil machalta raha

nam le le ke us ka main jita raha

meri be-chaargi par wo hansta raha

kya bataun shab-e-hijr ki dastan

raat sari hi ji ji ke marta raha

bargah-e-KHuda mein uTha kar ke hath

main dua rose baKHshish ki karata raha

be-KHudi mujh ko le aai kis moD par

apne sae se bhi mein to Darta raha

dil ke hathon mein majbur 'azhar' hun ab

ki jafa par wafa us ki karata raha