dagh-e-tap-e-firaq se dil lala-zar hai

dāġh-e-tap-e-firāq se dil lāla-zār hai

jo aah muñh se niklī vahī sho.ala-bār hai

kyā pūchhte ho hasrateñ merī kahāñ ga.iiñ

sab mar miTe haiñ dil hī meñ sab kā mazār hai

dast-e-junūñ se chāk-e-garebāñ huā to kyā

tār-e-nafas bhī ab to mirā tār-tār hai

bāteñ tirī samajhte haiñ nāseh ye kyā kareñ

qaabū meñ apne kab dil be-iḳhtiyār hai

kis baat par hai paikar-e-ḳhākī tujhe ghamanD

do din kī zindagī bhī to nā-pā.edār hai

pahlū meñ be-sabab nahīñ dil be-qarār hai

talvaoñ ko kyuuñ na ḳhār-e-muġhīlāñ kī ho havas

saudā.ī vo junūñ mire sar par savār hai

dil ko tabāh kījai par dekh bhaal ke

ye TuuTā phūTā ghar haram kard-gār hai

'mā.il' tire kalām kā shā.eq hai har koī

kuchh aur gul khilā ye zamīñ par bahār hai

dagh-e-tap-e-firaq se dil lala-zar hai

jo aah munh se nikli wahi shoala-bar hai

kya puchhte ho hasraten meri kahan gain

sab mar miTe hain dil hi mein sab ka mazar hai

dast-e-junun se chaak-e-gareban hua to kya

tar-e-nafas bhi ab to mera tar-tar hai

baaten teri samajhte hain naseh ye kya karen

qabu mein apne kab dil be-iKHtiyar hai

kis baat par hai paikar-e-KHaki tujhe ghamanD

do din ki zindagi bhi to na-paedar hai

pahlu mein be-sabab nahin dil be-qarar hai

talwaon ko kyun na KHar-e-mughilan ki ho hawas

saudai wo junun mere sar par sawar hai

dil ko tabah kijai par dekh bhaal ke

ye TuTa phuTa ghar haram kard-gar hai

'mail' tere kalam ka shaeq hai har koi

kuchh aur gul khila ye zamin par bahaar hai