ya sharh soz-e-dil hai ya dard ka bayan hai

yā sharh soz-e-dil hai yā dard kā bayāñ hai

jo sher hai hamārā ik ġham kī dāstāñ hai

phuñktā huuñ soz-e-ġham se siina meñ dil tapāñ hai

phir ishq zaḳhm-e-dil par mere namak-fishāñ hai

hai saañs ya.anī mushkil dil is qadar tapāñ hai

is nīm-qatra ḳhuuñ meñ kyā zor al-amāñ hai

beshubha sab ke dil meñ terī jagah hai kāfir

tū kyā phirā ki ham se bargashta ik jahāñ hai

soz-e-darūñ se dil meñ ik aag sī lagī hai

aahoñ ke badle lab par har vaqt ik dhuāñ hai

lo kah chuke bahut kuchh bas ab zabāñ sambhālo

muñh meñ mire bhī āḳhir ai jān-e-jāñ zabāñ hai

va.adoñ pe tere ai but ummīd maġhfirat hai

paimāñ-shikan na honā allāh darmiyāñ hai

ya sharh soz-e-dil hai ya dard ka bayan hai

jo sher hai hamara ek gham ki dastan hai

phunkta hun soz-e-gham se sina mein dil tapan hai

phir ishq zaKHm-e-dil par mere namak-fishan hai

hai sans yani mushkil dil is qadar tapan hai

is nim-qatra KHun mein kya zor al-aman hai

beshubha sab ke dil mein teri jagah hai kafir

tu kya phira ki hum se bargashta ek jahan hai

soz-e-darun se dil mein ek aag si lagi hai

aahon ke badle lab par har waqt ek dhuan hai

lo kah chuke bahut kuchh bas ab zaban sambhaalo

munh mein mere bhi aaKHir ai jaan-e-jaan zaban hai

wadon pe tere ai but ummid maghfirat hai

paiman-shikan na hona allah darmiyan hai