baat kahte hain is dahan se hum

baat kahte haiñ is dahan se ham

haiñ pashemān is suḳhan se ham

gul-ruḳhoñ kī hai is meñ kyā taqsīr

mar ga.e apne bāñkpan se ham

qatl ko jo mazār par aave

nikal aaveñ vahīñ kafan se ham

gul-o-bulbul se ai sabā kahiyo

ḳhush raho tum chale chaman se ham

yahī takalluf-o-zillat-o-kHvārī

dekhī jab se chale vatan se ham

ashk se misl-e-sham.a jalte haiñ

kyuuñ na ḳhush hoveñ anjuman se ham

is se kyā dostī libāsī hai

'ishq' ḳhush hoveñ pairahan se ham

baat kahte hain is dahan se hum

hain pasheman is suKHan se hum

gul-ruKHon ki hai is mein kya taqsir

mar gae apne bankpan se hum

qatl ko jo mazar par aawe

nikal aawen wahin kafan se hum

gul-o-bulbul se ai saba kahiyo

KHush raho tum chale chaman se hum

yahi takalluf-o-zillat-o-kHwari

dekhi jab se chale watan se hum

ashk se misl-e-shama jalte hain

kyun na KHush howen anjuman se hum

is se kya dosti libasi hai

'ishq' KHush howen pairahan se hum