nishan-e-zaKHm pe nashtar-zani jo hone lagi

nishān-e-zaḳhm pe nashtar-zanī jo hone lagī

lahū meñ zulmat-e-shab uñgliyāñ bhigone lagī

huā vo jashn ki neze buland hone lage

niyām teġh kī ḳhanjar ke saath sone lagī

jahāñ meñ dauḌ ke pahuñchā thā vo ghanerī chhāñv

zarā sī der meñ zār-o-qatār rone lagī

nadī Dubā.ū na thī Dūbnā paḌā lekin

kināre pahuñchā to sharmindagī Dubone lagī

sab apnī pyaas bujhāne meñ mahv the hama-tan

huā ye phir ki havā sho.ala-ḳhez hone lagī

baḌhā.e haath madad ko darāz dastoñ ne

to apnā bojh vo chyūñTī kī tarah Dhone lagī

kuchh aur surḳh-rū ho kar uThe vo maqtal se

ghaTā bhī uTThī to dāman ke daaġh dhone lagī

vo pīr-zan jise kāñTe nikālne the 'ḳhalish'

vo sāhira kī tarah sūiyāñ chubhone lagī

nishan-e-zaKHm pe nashtar-zani jo hone lagi

lahu mein zulmat-e-shab ungliyan bhigone lagi

hua wo jashn ki neze buland hone lage

niyam tegh ki KHanjar ke sath sone lagi

jahan mein dauD ke pahuncha tha wo ghaneri chhanw

zara si der mein zar-o-qatar rone lagi

nadi Dubau na thi Dubna paDa lekin

kinare pahuncha to sharmindagi Dubone lagi

sab apni pyas bujhane mein mahw the hama-tan

hua ye phir ki hawa shoala-KHez hone lagi

baDhae hath madad ko daraaz daston ne

to apna bojh wo chyunTi ki tarah Dhone lagi

kuchh aur surKH-ru ho kar uThe wo maqtal se

ghaTa bhi uTThi to daman ke dagh dhone lagi

wo pir-zan jise kanTe nikalne the 'KHalish'

wo sahira ki tarah suiyan chubhone lagi