aarzu didar ki hai nikle kya hijran mein dam

aarzū dīdār kī hai nikle kyā hijrāñ meñ dam

ruk rahā hai yaar mere dīdan-e-hairāñ meñ dam

donoñ 'ālam ho ga.e bismil pe tezī hai vahī

hai qayāmat yaar tere ḳhanjar-e-burrāñ meñ dam

yaar ke kūche meñ yārab apnā lāsha dafn ho

aur nikle vaqt-e-murdan mahfil-e-jānāñ meñ dam

tiir meñ paikāñ to dam paikāñ meñ pahlū se na khīñch

hai mirā saffāk ab aTkā huā paikāñ meñ dam

pās-e-nāmūs-e-adab hai varna pahuñche tā falak

hai abhī itnā mirī āh-e-sharar-afshāñ meñ dam

nā-tavāñ ho kar paḌe haiñ to na kūche se uThā

ab nahīñ baaqī tire ’ushshāq-e-sargardāñ meñ dam

ārzū-e-dīn-o-duniyā ab nahīñ 'bahrām' kuchh

par mirā nikle umīd-e-rahmat-e-yazdāñ meñ dam

aarzu didar ki hai nikle kya hijran mein dam

ruk raha hai yar mere didan-e-hairan mein dam

donon 'alam ho gae bismil pe tezi hai wahi

hai qayamat yar tere KHanjar-e-burran mein dam

yar ke kuche mein yarab apna lasha dafn ho

aur nikle waqt-e-murdan mahfil-e-jaanan mein dam

tir mein paikan to dam paikan mein pahlu se na khinch

hai mera saffak ab aTka hua paikan mein dam

pas-e-namus-e-adab hai warna pahunche ta falak

hai abhi itna meri aah-e-sharar-afshan mein dam

na-tawan ho kar paDe hain to na kuche se uTha

ab nahin baqi tere ’ushshaq-e-sargardan mein dam

aarzu-e-din-o-duniya ab nahin 'bahram' kuchh

par mera nikle umid-e-rahmat-e-yazdan mein dam