bahut gham nihan hain meri zindagi mein

bahut ġham nihāñ haiñ merī zindagī meñ

baḌī talḳhiyāñ haiñ merī zindagī meñ

kahīñ tum ko miltīñ to tum dam na lete

jo mahrūmiyāñ haiñ merī zindagī meñ

unhīñ ke tasavvur meñ rahtā huuñ har dam

vo har sū 'ayāñ haiñ merī zindagī meñ

jo tum bhī miTāo to miTnā haiñ mushkil

vo majbūriyāñ haiñ merī zindagī meñ

kabhī yaas rahnā kabhī aas rahnā

na.e do jahāñ haiñ merī zindagī meñ

ilāhī mujhe ye gavārā nahīñ hai

sunā vo butāñ haiñ merī zindagī meñ

nahīñ jin kī tā'bīr 'bahzād' mumkin

vo ḳhvāb-e-girāñ haiñ merī zindagī meñ

bahut gham nihan hain meri zindagi mein

baDi talKHiyan hain meri zindagi mein

kahin tum ko miltin to tum dam na lete

jo mahrumiyan hain meri zindagi mein

unhin ke tasawwur mein rahta hun har dam

wo har su 'ayan hain meri zindagi mein

jo tum bhi miTao to miTna hain mushkil

wo majburiyan hain meri zindagi mein

kabhi yas rahna kabhi aas rahna

nae do jahan hain meri zindagi mein

ilahi mujhe ye gawara nahin hai

suna wo butan hain meri zindagi mein

nahin jin ki ta'bir 'bahzad' mumkin

wo KHwab-e-giran hain meri zindagi mein