ab wo raaten nahin wo din nahin wo sham nahin

ab vo rāteñ nahīñ vo din nahīñ vo shaam nahīñ

jab se tum aa ke ga.e ruuh ko ārām nahīñ

pā ke bhī tujh ko sukūn-e-dil nākām nahīñ

tū vo ārām hai jis se koī ārām nahīñ

tere sadqe tere paimān-e-vafā ke qurbān

maiñ vahāñ huuñ ki jahāñ gardish-e-ayyām nahīñ

terī nazroñ kā ye 'ālam ki mukammal shab-e-vasl

merī duniyā kā ye 'ālam ki kahīñ shaam nahīñ

ab to sajde kā hai maqsūd nishāt-e-sajda

ab terī sajda-navāzī kā koī kaam nahīñ

yahī rahzan ne batāyā yahī rahbar ne kahā

raah aisī hai ki manzil kā kahīñ naam nahīñ

naama bar tujh se jo pūchheñ to bahānā do ashk

aur kahnā ba-juz us ke koī paiġhām nahīñ

ai mire chāra-gar-e-dard-e-tamannā hushyār

koī hasrat bhī ba-qaid-e-sahr-o-shām nahīñ

tere mai-kash vahāñ pī lete haiñ jaam mai-e-shauq

jahāñ saaqī nahīñ mai-ḳhāna nahīñ jaam nahīñ

tere jalvoñ ke sivā ġhair pe kyuuñ jaa.e nigāh

ye mirā zauq-e-tamāshā to koī 'aam nahīñ

ye tire 'ishq kā maarā huā 'bahzād'-e-hazīñ

kaun kahtā hai ki mash.hūr hai badnām nahīñ

ab wo raaten nahin wo din nahin wo sham nahin

jab se tum aa ke gae ruh ko aaram nahin

pa ke bhi tujh ko sukun-e-dil nakaam nahin

tu wo aaram hai jis se koi aaram nahin

tere sadqe tere paiman-e-wafa ke qurban

main wahan hun ki jahan gardish-e-ayyam nahin

teri nazron ka ye 'alam ki mukammal shab-e-wasl

meri duniya ka ye 'alam ki kahin sham nahin

ab to sajde ka hai maqsud nishat-e-sajda

ab teri sajda-nawazi ka koi kaam nahin

yahi rahzan ne bataya yahi rahbar ne kaha

rah aisi hai ki manzil ka kahin nam nahin

nama bar tujh se jo puchhen to bahana do ashk

aur kahna ba-juz us ke koi paigham nahin

ai mere chaara-gar-e-dard-e-tamanna hushyar

koi hasrat bhi ba-qaid-e-sahr-o-sham nahin

tere mai-kash wahan pi lete hain jam mai-e-shauq

jahan saqi nahin mai-KHana nahin jam nahin

tere jalwon ke siwa ghair pe kyun jae nigah

ye mera zauq-e-tamasha to koi 'am nahin

ye tere 'ishq ka mara hua 'bahzad'-e-hazin

kaun kahta hai ki mashhur hai badnam nahin