مجھے کس نے دیکھا ہے پھر مسکرا کے

مجھے کس نے دیکھا ہے پھر مسکرا کے

میری زندگی کو تماشا بنا کے

تجھے میکدے کی قسم میری ساقی

پلا دے پلا دے نگاہیں ملا کے

زمانے کے نیرنگ بھی ہم نے دیکھے

کبھی ان کو کھو کے کبھی ان کو پا کے

فغاں میری شاید رسا ہوگئی ہے

تڑپنے لگے ہیں جو جھونکے صبا کے

میری منزل سخت اللہ اکبر!

کہ رہبر بھی ٹھہرے نہ منزل بتا کے

میری کشتئی غم یوں ہی پار ہوگی

میں احسان کیوں لوں بھلانا خدا کے

میری بیقراری کو کیا دیکھتا ہے

کہاں ہوش ہے تیری محفل میں آکے

مرا حال مجھ سے نہ پوچھو نہ پوچھو

تمہیں کھو گیا ہوں تصور میں پا کے

اس در کا ارماں ہے بہزادؔ مجھ کو

میں قربان جاؤں درِ مصطفیٰ کے