wo maqam aaKHirash aa gaya ki sabaat-e-hosh mein hum nahin

vo maqām āḳhirash aa gayā ki sabāt-e-hosh meñ ham nahīñ

jo koī mile to ḳhushī nahīñ jo koī chhuTe tū alam nahīñ

tirī chashm-e-mast se kaam hai tire chashm-e-mast hī jaam hai

hameñ rabt kuchh kHam-o-bāda se tire mai-kade kī qasam nahīñ

tirā zikr hai tirā haal hai ġham-e-zindagī kā ma.aal hai

mirī dāstān-e-hayāt meñ kahīñ zikr-e-dair-o-haram nahīñ

ġham-e-bandagī kā mu'āmala merī ḳhud samajh meñ na aa sakā

mere dard-e-dil kī na pochhiye kabhī kam hai aur kabhī kam nahīñ

tirā dar hai hāsil-e-bandagī tirā dar hai maqsad-e-zindagī

kisī aur dar se koī ġharaz tire āstāñ kī qasam nahīñ

mere lab hoñ kyuuñ gila-āshnā mire dil meñ kyuuñ uThe dard sā

ki tirī jafā to jafā nahīñ ki tirā sitam to sitam nahīñ

maiñ bhaTak rahā huuñ jo raah meñ nahīñ mil rahā hai jo rāsta

merī rah-ravī ko bhī ġham nahīñ mere rāhbar ko bhī ġham nahīñ

wo maqam aaKHirash aa gaya ki sabaat-e-hosh mein hum nahin

jo koi mile to KHushi nahin jo koi chhuTe tu alam nahin

teri chashm-e-mast se kaam hai tere chashm-e-mast hi jam hai

hamein rabt kuchh kHam-o-baada se tere mai-kade ki qasam nahin

tera zikr hai tera haal hai gham-e-zindagi ka maal hai

meri dastan-e-hayat mein kahin zikr-e-dair-o-haram nahin

gham-e-bandagi ka mu'amala meri KHud samajh mein na aa saka

mere dard-e-dil ki na pochhiye kabhi kam hai aur kabhi kam nahin

tera dar hai hasil-e-bandagi tera dar hai maqsad-e-zindagi

kisi aur dar se koi gharaz tere aastan ki qasam nahin

mere lab hon kyun gila-ashna mere dil mein kyun uThe dard sa

ki teri jafa to jafa nahin ki tera sitam to sitam nahin

main bhaTak raha hun jo rah mein nahin mil raha hai jo rasta

meri rah-rawi ko bhi gham nahin mere rahbar ko bhi gham nahin