in nigahon ko idhar aane to do

in nigāhoñ ko idhar aane to do

kuchh payām-e-tāza-tar aane to do

log ā.eñge to chup lag jā.egī

kah na pā.ūñgā magar aane to do

ai merī aahū laboñ tak hī raho

aa rahā hai be-ḳhabar aane to do

DabDabāte kyuuñ ho chashm-e-shauq meñ

āñsūo vo ruḳh nazar aane to do

dam-ba-dam sajde karūñgā kaif meñ

rahbaro vo sañg-e-dar aane to do

ḳhud chale ā.eñge dil thāme hue

aah meñ rañg-e-asar aane to do

dekhnā 'bahzād' phir lutf-o-karam

yaar ke qadmoñ pe sar aane to do

in nigahon ko idhar aane to do

kuchh payam-e-taza-tar aane to do

log aaenge to chup lag jaegi

kah na paunga magar aane to do

ai meri aahu labon tak hi raho

aa raha hai be-KHabar aane to do

DabDabaate kyun ho chashm-e-shauq mein

aansuo wo ruKH nazar aane to do

dam-ba-dam sajde karunga kaif mein

rahbaro wo sang-e-dar aane to do

KHud chale aaenge dil thame hue

aah mein rang-e-asar aane to do

dekhna 'bahzad' phir lutf-o-karam

yar ke qadmon pe sar aane to do