حرم میں دیر میں کیوں بے حقیقت چار سو ہوتی

حرم میں دیر میں کیوں بے حقیقت چار سو ہوتی

جواں قدموں پہ جھک جاتی جبیں تو آبرو ہوتی

ادب نا آشنا گریہ زبانِ آرزو ہوتی

تو پھر باتیں ہی باتیں گفتگو ہی گفتگو ہوتی

اگر اس کی خبر ہوتی ہمیں ہم ہیں زمانے میں

تو ہم کیوں جستجو کرتے ہماری جستجو ہوتی

محبت اے محبت یہ عنایت ان کی ہے ورنہ

نہ دل ہوتا نہ غم ہتا نہ ہم ہوتے نہ تو ہوتی

اگر ہم پائے ساقی پر نہ کرتے سجدۂ مستی

تو یہ مستی ہماری حاصلِ جام و صبو ہوتی

اگر میں کام لے لیتا ذرا زورِ تصور سے

تو وہ صورت وہ جلوہ وہ تجلی رو برو ہوتی

کسی کی چشمِ نازک گر اشارہ خود نہ فرماتی

تو کیوں بہزادؔ مضطر کو مجالِ آرزو ہوتی