haram mein dair mein kyun be-haqiqat chaar-su hoti

haram meñ dair meñ kyuuñ be-haqīqat chār-sū hotī

javāñ qadmoñ pe jhuk jaatī jabīñ to aabrū hotī

adab nā-āshnā girya zabān-e-ārzū hotī

to phir bāteñ hī bāteñ guftugū hī guftugū hotī

agar us kī ḳhabar hotī hameñ ham haiñ zamāne meñ

to ham kyuuñ justujū karte hamārī justujū hotī

mohabbat ai mohabbat ye 'ināyat un kī hai varna

na dil hotā na ġham hotā na ham hote na tū hotī

agar ham pā-e-sāqī par na karte sajda-e-mastī

to ye mastī hamārī hāsil-e-jām-o-subū hotī

agar maiñ kaam le letā zarā zor-e-tasavvur se

to vo sūrat vo jalva vo tajallī rū-ba-rū hotī

kisī kī chashm-e-nāzuk gar ishāra ḳhud na farmātī

to kyuuñ bahzād muztar ko majāl aarzū hotī

haram mein dair mein kyun be-haqiqat chaar-su hoti

jawan qadmon pe jhuk jati jabin to aabru hoti

adab na-ashna girya zaban-e-arzu hoti

to phir baaten hi baaten guftugu hi guftugu hoti

agar us ki KHabar hoti hamein hum hain zamane mein

to hum kyun justuju karte hamari justuju hoti

mohabbat ai mohabbat ye 'inayat un ki hai warna

na dil hota na gham hota na hum hote na tu hoti

agar hum pa-e-saqi par na karte sajda-e-masti

to ye masti hamari hasil-e-jam-o-subu hoti

agar main kaam le leta zara zor-e-tasawwur se

to wo surat wo jalwa wo tajalli ru-ba-ru hoti

kisi ki chashm-e-nazuk gar ishaara KHud na farmati

to kyun bahzad muztar ko majal aarzu hoti