mujhko teri talash thi apna magar nishan mila

mujh ko tirī talāsh thī apnā magar nishāñ milā

dasht ko jā rahā thā meñ raah meñ gulistāñ milā

mast hai daur-e-bandagī jhuum rahe zindagī

ik tirā dar ye kyā milā kā’ba-e-do-jahāñ milā

rāh-e-talab meñ kho gayā maiñ to ye haal dekh kar

tū hī thā mīr-e-kārvāñ jo koī kārvāñ milā

tujh ko bhī pā liyā to kyā dard bhī jā liyā to kyā

kahte haiñ sab jise sukūñ mujh ko magar kahāñ milā

mā.il-e-kufr ho ke bhī bach na sakī jabīn-e-shauq

phir vahī sañg-e-dar milā phir vahī āstāñ milā

ḳhuub intizām-e-shauq ek nahīñ maqām-e-shauq

raaz se be-ḳhabar milā jo koī rāz-dāñ milā

rāhbaroñ se chal sakā kaam na rāh-e-shauq meñ

samjhe the jis ko rāhzan ik vahī mehrbāñ milā

mujh ko teri talash thi apna magar nishan mila

dasht ko ja raha tha mein rah mein gulistan mila

mast hai daur-e-bandagi jhum rahe zindagi

ek tera dar ye kya mila ka’ba-e-do-jahan mila

rah-e-talab mein kho gaya main to ye haal dekh kar

tu hi tha mir-e-karwan jo koi karwan mila

tujh ko bhi pa liya to kya dard bhi ja liya to kya

kahte hain sab jise sukun mujh ko magar kahan mila

mail-e-kufr ho ke bhi bach na saki jabin-e-shauq

phir wahi sang-e-dar mila phir wahi aastan mila

KHub intizam-e-shauq ek nahin maqam-e-shauq

raaz se be-KHabar mila jo koi raaz-dan mila

rahbaron se chal saka kaam na rah-e-shauq mein

samjhe the jis ko rahzan ek wahi mehrban mila