مجھ کو تری تلاش تھی اپنا مگر نشاں ملا

مجھ کو تری تلاش تھی اپنا مگر نشاں ملا

دشت کو جا رہا تھا میں راہ میں گلستاں ملا

مست ہے دور بندگی جھوم رہے زندگی

اک ترا در یہ کیا ملا کعبۂ دو جہاں ملا

راہِ طلب میں کھو گیا میں تو یہ حال دیکھ کر

تو ہی تھا میرِ کارواں جو کوئی کارواں ملا

تجھ کو بھی پا لیا تو کیا، درد بھی جا لیا تو کیا

کہتے ہیں سب جسے سکوں مجھ کو مگر کہاں ملا

مائل کفر ہو کے بھی بچ نہ سکی جبینِ شوق

پھر وہی سنگ در ملا پھر وہی آستاں ملا

خوب انتظام شوق ایک نہیں مقامِ شوق

راز سے بیخبر ملا جو کوئی رازداں ملا!

راہبروں سے چل سکا کام نہ راہ شوق میں

سمجھے تھے جس کو راہزن اک وہی مہرباں ملا