Font by Mehr Nastaliq Web
Sufinama

masrur bhi hun KHush bhi hun lekin KHushi nahin

Behzad Lakhnavi

masrur bhi hun KHush bhi hun lekin KHushi nahin

Behzad Lakhnavi

MORE BYBehzad Lakhnavi

    masrūr bhī huuñ ḳhush bhī huuñ lekin ḳhushī nahīñ

    tere baġhair ziist to hai zindagī nahīñ

    maiñ dard-e-'āshiqī ko samajhtā huuñ jān-o-rūh

    kam-baḳht vo bhī dil meñ kabhī hai kabhī nahīñ

    ġham Daal de mire dast-e-savāl meñ

    maiñ kyā karūñ ḳhushī ko jo terī ḳhushī nahīñ

    kuchh der aur rahne de ḳhuddārī-e-junūñ

    dāman to chaak honā hai lekin abhī nahīñ

    saaqī nigāh-e-nāz se lillāh kaam le

    sau jaam chukā huuñ magar be-ḳhudī nahīñ

    rakhnā paḌegī tum ko tahī-dāmanī laaj

    mujh ko kamī zarūr hai tum ko kamī nahīñ

    'bahzād' saaf saaf maiñ kahtā huuñ hāl-e-dil

    sharminda-e-kamāl mirī shā.irī nahīñ

    masrur bhi hun KHush bhi hun lekin KHushi nahin

    tere baghair zist to hai zindagi nahin

    main dard-e-'ashiqi ko samajhta hun jaan-o-ruh

    kam-baKHt wo bhi dil mein kabhi hai kabhi nahin

    la gham hi Dal de mere dast-e-sawal mein

    main kya karun KHushi ko jo teri KHushi nahin

    kuchh der aur rahne de KHuddari-e-junun

    daman to chaak hona hai lekin abhi nahin

    saqi nigah-e-naz se lillah kaam le

    sau jam pi chuka hun magar be-KHudi nahin

    rakhna paDegi tum ko tahi-damani ki laj

    mujh ko kami zarur hai tum ko kami nahin

    'bahzad' saf saf main kahta hun haal-e-dil

    sharminda-e-kamal meri shairi nahin

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now