اس کا بندہ ہوں جسے قبلہ نما کہتے ہیں

اس کا بندہ ہوں جسے قبلہ نما کہتے ہیں

جس کو الفاظ محبت میں خدا کہتے ہیں

جس کے ہر رنگ میں اندازِ مسیحائی ہے

جس کے ہر طرز کو عالم کی دوا کہتے ہیں

ہر نظر جس کی مداوائے غم و درد و الم

جس کی ہر بات کو اعجاز نما کہتے ہیں

جس کے میخانے کا ہر جام ہے مستی بر لب

وہ وہ ساقی ہے جسے ہوش ربا کہتے ہیں

جس کے قدموں پہ تصدق میرا سر میری جبیں

جس کے در کو درِ تکمیلِ وفا کہتے ہیں

جس کی ہر بات حقیقت ہے حقیقت کی قسم

جس کے ہر طور کو ہم شانِ خدا کہتے ہیں

راز کی بات بتا دوں کہ بڑا راز ہے یہ

اس کو بہزادؔ عزیزؔ دوسرا کہتے ہیں