yahi mere liye ek roz KHun roenge

yahī mere liye ik roz ḳhuun ro.eñge

yahī yahī ki jo mujh ko miTā.e jaate haiñ

har ek saañs meñ ab to haiñ ishq ke naġhme

miTā-miTā ke vo ham ko banā.e jaate haiñ

ye rāh-e-ishq kī dushvāriyāñ ma.āz-allāh

vo har qadam pe hameñ āzmā.e jaate haiñ

mire jahāñ meñ juz ranj-o-ġham nahīñ kuchh bhī

vo aaj kyuuñ mirī duniyā meñ aa.e jaate haiñ

hameñ bhī apne taḌapne meñ lutf aatā hai

ḳhudā kā shukr vo ham ko satā.e jaate haiñ

vafā ke rañg meñ Duube hue haiñ ham 'bahzād'

ki dil to rotā hai ham muskurā.e jaate haiñ

yahi mere liye ek roz KHun roenge

yahi yahi ki jo mujh ko miTae jate hain

har ek sans mein ab to hain ishq ke naghme

miTa-miTa ke wo hum ko banae jate hain

ye rah-e-ishq ki dushwariyan maaz-allah

wo har qadam pe hamein aazmae jate hain

mere jahan mein juz ranj-o-gham nahin kuchh bhi

wo aaj kyun meri duniya mein aae jate hain

hamein bhi apne taDapne mein lutf aata hai

KHuda ka shukr wo hum ko satae jate hain

wafa ke rang mein Dube hue hain hum 'bahzad'

ki dil to rota hai hum muskurae jate hain