یہی میرے لئے اک روز خون روئیں گے

یہی میرے لئے اک روز خون روئیں گے

یہی یہی کہ جو مجھ کو مٹائے جاتے ہیں

ہر ایک سانس میں اب تو ہیں عشق کے نغمے

مٹامٹا کے وہ ہم کو بنائے جاتے ہیں

یہ راہ عشق کی دشواریاں معاذ اللہ

وہ ہر قدم پہ ہمیں آزمائے جاتے ہیں

مرے جہاں میں جز رنج و غم نہیں کچھ بھی

وہ آج کیوں مری دنیا میں آئے جاتے ہیں

ہمیں بھی اپنے تڑپنے میں لطف آتا ہے

خدا کا شکر وہ ہم کو ستائے جاتے ہیں

وفا کے رنگ میں ڈوبے ہوئے ہیں ہم بہزادؔ

کہ دل تو روتا ہے ہم مسکرائے جاتے ہیں