سیر یہ ذوقِ عبادت ہو نہ ہو

سیر یہ ذوقِ عبادت ہو نہ ہو

کیا خبر سجدوں کی فرصت ہو نہ ہو

میکدہ میں سوچتا ہوں بار بار

مجھ پہ ساقی کی عنایت ہو نہ ہو

کام کب چلتا ہے منزل کے بغیر

رہروی کی دل کو حسرت ہو نہ ہو

ٹھوکریں کھا نا پڑیں گی عشق میں

در بدر پھرنے کی عادت ہو نہ ہو

اور کیا کرنا پڑے گا اے جنوں

زندگی صرف محبت ہو نہ ہو

کفر کو اب تک سمجھتا ہوں میں کفر

یہ خدا جانے حقیقت ہو نہ ہو

مطمئن ہے دل مجھے بہزادؔ کیا

یار کے قدموں میں جنت ہو نہ ہو