rutba koThe ka qad-e-baala se baala ho gaya

rutba koThe kā qad-e-bālā se baalā ho gayā

tuur kī chauTī a'sā-e-dast-e-mūsā ho gayā

baiTh kar rū-e-jahāñ ġhurbat meñ dariyā ho gayā

chaar aañsū jab gire āñkhoñ se chaukā ho gayā

shokHī-e-rañg-e-gul-e-rukHsār us par ḳhatm hai

aks se la.al-e-yaman hiire kā bundā ho gayā

ḳhat nikalte hī mulāqāteñ huiiñ bāham kī tark

merā unkā hukm hākim se muchalka ho gayā

fil-haqīqat vo parī-rū chaudhvīñ kā chāñd hai

chādar-e-mahtāb-e-partav se dupaTTā ho gayā

khel samjhā kār-o-bār-e-'ālam-e-fānī ko 'barq'

aañkh ko nazzāra-e-hastī-e-tamāshā ho gayā

rutba koThe ka qad-e-baala se baala ho gaya

tur ki chauTi a'sa-e-dast-e-musa ho gaya

baiTh kar ru-e-jahan ghurbat mein dariya ho gaya

chaar aansu jab gire aankhon se chauka ho gaya

shokHi-e-rang-e-gul-e-rukHsar us par KHatm hai

aks se lal-e-yaman hire ka bunda ho gaya

KHat nikalte hi mulaqaten huin baham ki tark

mera unka hukm hakim se muchalka ho gaya

fil-haqiqat wo pari-ru chaudhwin ka chand hai

chadar-e-mahtab-e-partaw se dupaTTa ho gaya

khel samjha kar-o-bar-e-'alam-e-fani ko 'barq'

aankh ko nazzara-e-hasti-e-tamasha ho gaya