bayan mein haal-e-pareshan mera kahan aawe

bayāñ meñ hāl-e-pareshāñ merā kahāñ aave

yaqīn hai qatra meñ kab bahr-e-be-karāñ aave

ḳhabar jo is qad-e-dil jo kī gar vahāñ aave

misāl-e-āh kī ḳhud tuubā aur jināñ aave

ḳhayāl-e-yār ke ta.iiñ dil meñ kab hai gunjā.ish

ki āftāb falak zarre meñ kahāñ aave

use hamesha bahār hai jo barg-o-bar na rakhe

yaqīn ke sarv-e-chaman par kahāñ ḳhizāñ aave

na ho nishāna kabhī tīr-e-āh kā us ke

ki jis kī pusht do tāġham suuñ jyuuñ kamāñ aave

unheñ hamesha bahār hai jo mahv-e-hairat haiñ

kabhī bhī gulshan-e-tasvīr meñ ḳhizā aave

jo faiz deve sitam-gar ko aap se guzre

fanā moñ teġh suuñ farsūda ho fashāñ aave

kare hai johar-e-māshūq jalva āshiq suuñ

safā-e-teġh ko mumkin hai be fashāñ aave

khaḌā hai qāfila hairat meñ misl-e-sanñg-nishāñ

ḳhudā kare ki abhī mīr-e-kārvāñ aave

bayan mein haal-e-pareshan mera kahan aawe

yaqin hai qatra mein kab bahr-e-be-karan aawe

KHabar jo is qad-e-dil jo ki gar wahan aawe

misal-e-ah ki KHud tuba aur jinan aawe

KHayal-e-yar ke tain dil mein kab hai gunjaish

ki aaftab falak zarre mein kahan aawe

use hamesha bahaar hai jo barg-o-bar na rakhe

yaqin ke sarw-e-chaman par kahan KHizan aawe

na ho nishana kabhi tir-e-ah ka us ke

ki jis ki pusht do tagham sun jyun kaman aawe

unhen hamesha bahaar hai jo mahw-e-hairat hain

kabhi bhi gulshan-e-taswir mein KHiza aawe

jo faiz dewe sitam-gar ko aap se guzre

fana mon tegh sun farsuda ho fashan aawe

kare hai johar-e-mashuq jalwa aashiq sun

safa-e-tegh ko mumkin hai be fashan aawe

khaDa hai qafila hairat mein misl-e-sanng-nishan

KHuda kare ki abhi mir-e-karwan aawe