daru-e-dard-e-nihan rahat-e-jaani sanama

dārū-e-dard-e-nihāñ rāhat-e-jānī sanamā

iisā murda-dilāñ yūsuf-e-sānī sanamā

tere sadqe mirī jaañ tujh pe mirā dil qurbāñ

vāris-e-kaun-o-makāñ faḳhr-e-zamānī sanamā

terā har jalvā hai ā.īna-e-asrār-e-azal

terī sūrat meñ haiñ anvar-e-ma.ānī sanamā

dil ke dāġhoñ ko kaleje se lagā rakkhā hai

ki yahī daaġh to haiñ terī nishānī sanamā

tū hī jab qissa-e-ġham se mire ghabrātā hai

phir sune kaun mire ġham kī kahānī sanamā

tā-kujā ashk bujhā.eñge mire dil kī lagī

phūñke detā hai mujhe soz-e-nihānī sanamā

vaqf sajda hai tire dar pe jabīn-e-'bedam'

qibla-e-dil sanamā ka.aba-e-jānī sanamā

daru-e-dard-e-nihan rahat-e-jaani sanama

isa murda-dilan yusuf-e-sani sanama

tere sadqe meri jaan tujh pe mera dil qurban

waris-e-kaun-o-makan faKHr-e-zamani sanama

tera har jalwa hai aaina-e-asrar-e-azal

teri surat mein hain anwar-e-maani sanama

dil ke daghon ko kaleje se laga rakkha hai

ki yahī dagh to hain teri nishani sanama

tu hi jab qissa-e-gham se mere ghabraata hai

phir sune kaun mere gham ki kahani sanama

ta-kuja ashk bujhaenge mere dil ki lagi

phunke deta hai mujhe soz-e-nihani sanama

waqf sajda hai tere dar pe jabin-e-'bedam'

qibla-e-dil sanama kaba-e-jaani sanama